Click here to listen to "Under der Linden" read by Albrecht Classen;
Under der linden an der heide, dâ unser zweier bette was, dâ mugt ir vinden schône beide gebrochen bluomen unde gras. vor dem walde in einem tal, tandaradei, schône sanc diu nategal. |
Under the lime tree |
2. Ich kam gegangen zuo der ouwe: dô was min friedel komen ê. dâ wart ich enpfangen, hêre frouwe, daz ich bin sælic iemer mê. kuster mich? wol tûsentstunt: tandaradei, seht wie rôt mir ist der munt. |
|
3. Dô hât er gemachet alsô rîche von bluomen eine bettestat. des wirt noch gelachet inneclîche, kumt iemen an daz selbe pfat. bî den rôsen er wol mac, tandaradei merken wâ mirz houbet lac. |
|
4. Daz er bî mir læge, wessez iemen, nuenwelle got, sô schamt ich mich. wes er mit mir pflæge, niemer niemen bevinde daz, wan er unde ich, und ein kleinez vogellîn, tandaradei, daz mac wol getriuwe sîn. |
|